「鮑參翅肚」嘅海參到底係咩動物？

過時過節點都一定會食「鮑參翅肚」，好西你就食得多，但你知唔知你食緊落肚嘅食物，到底營養價值有幾豐富呢？今日就同大家拆解下「鮑參翅肚」入面嘅海參功效有幾多，食一條又到底有幾補？我哋一齊睇落去！

海參，英文又叫做Sea Cucumber，係屬於海參綱嘅一種海洋軟體動物，海參主要生活嘅海域範圍非常廣泛，由海邊到深至8000米都會見到佢嘅足跡，以海底藻類同浮游生物作為主要食糧。海參全身長滿肉刺，望落外表相當唔吸引，但殊不知其實海參功效相當豐富！

不為人知嘅海參功效即將為你揭曉

中醫對海參的藥用價值評價極高，將海參形容成「甘、咸，溫，補腎益精，壯陽療痿」，海參可以幫助滋補肝腎，同時又能夠強精壯陽，甚至可以治療陽痿，海參絕對係男女老少咸宜嘅頂級養生補品。另外，因為海參含有豐富碘元素，係促進新陳代謝、幫助血液流暢嘅一種人體重要營養素，所以對高血壓嘅病患者具有莫大裨益。

海參功效能夠對抗失眠 解決睡不著問題

海參的營養非常多元，醫學研究同時發現，長期進食海參能有效解決陰虛體質，長久來說有助改善失眠睡不著嘅問題！

失眠絕對係都市人嘅頭號煩惱根源，瞓唔好令到讀書難以集中﹑工作表現變差，個人狀態愈來愈頹廢，可能連日常社交都無法應付，兩對大大嘅黑眼圈更可能會影響市容，長久來說更有機會造成嚴重嘅身體疲勞！如果有呢個問題嘅人，就一定要好好處理。其實失眠解決方法有好多種，但唔係種種都天然無副作用，有人會依靠食褪黑激素，甚至安眠藥嚟助眠，但其實依賴藥物絕對唔係一件好事，長久來說都係無補於事，更會損害身體，所以要挑選最健康自然嘅方法去處理，而食海參就係其中一種方法啦！